Við notum vefkökur til að bæta upplifun þína á síðunni. Með því að halda áfram að vafra um síðuna samþykkir þú skilmála okkar um notkun á vefkökum, að öðrum kosti getur þú kynnt þér hvernig má stýra notkun þeirra.

Helga Björg Antonsdóttir

Vörumerkjastjóri Vodafone

29. desember 2020

43 milljónir söfnuðust til styrktar SÁÁ

Vodafone SÁÁ

Vodafone tók þann 4. desember sl. þátt í söfnunarþætti SÁÁ, Fyrir fjölskylduna sem sýndur var á Ríkissjónvarpinu. Yfir 26 þúsund einstaklingar hafa komið í meðferð til SÁÁ og annar eins fjöldi aðstandenda hefur sótt sér stuðning og þjónustu á göngudeildum. Nú bíða um 540 manns eftir aðstoð við áfengis- og vímuefnavanda. Það er því ljóst að starfið sem unnið er hjá samtökunum er gríðarlega mikilvægt bæði fyrir sjúklinga og ekki síður börn og aðra aðstandendur. Vodafone sá söfnuninni fyrir traustri og áreiðanlegri fjarskiptaþjónustu og sinnti starfsfólk okkar því mikilvæga hlutverki að taka á móti söfnunarsímtölum ásamt sjálfboðaliðum frá SÁÁ. Um tveggja tíma útsending var frá þjónustuveri Vodafone, margir þjóðþekktir einstaklingar komu í heimsókn til okkar og var sóttvarnarreglum fylgt til hins ýtrasta. Fólk og fyrirtæki um allt land sýndu stuðning sinn í verki og lögðu sitt af mörkum til stuðnings SÁÁ, okkur öllum til heilla og alls söfnuðust um 43,4 milljónir króna. Við erum bæði stolt og ánægð að geta stutt við samtökin með þessum hætti svo þau geti áfram sinnt sínu mikilvæga starfi fyrir sjúklinga, fjölskyldur þeirra og samfélagið okkar.