Herdís Dröfn Fjeldsted er forstjóri Sýnar og kom til starfa um miðjan janúar 2024. Herdís hefur víðtæka reynslu sem stjórnandi en hún var áður forstjóri Valitor þar sem hún leiddi félagið í gegnum endurskipulagningu og síðar sölu. Þar áður var hún framkvæmdastjóri Framtakssjóðs Íslands. Herdís hefur setið í fjölmörgum stjórnum bæði á Íslandi sem og erlendis. Hún var m.a. stjórnarformaður Icelandic Group og VÍS, varaformaður stjórnar Promens, stjórnarmaður í Icelandair Group, Invent Farma, Medicopack A/S og Copeinca AS. Herdís er formaður stjórnar Eyris Venture Management.

Herdís útskrifaðist með B.Sc. gráðu í viðskiptafræði með áherslu á alþjóðamarkaðssetningu úr Tækniháskóla Íslands árið 2004 og með meistaragráðu í fjármálum fyrirtækja frá Háskólanum í Reykjavík árið 2011. Herdís er auk þess með próf í verðbréfaviðskiptum.

Gunnar er framkvæmdastjóri sölu- og þjónustusviðs Sýnar en allar tekjueiningar félagsins heyra undir sviðið, að undanskilinni heildsölu. Undir Sölu & þjónustu fellur öll sala og þjónusta, hvort sem er fyrir einstaklinga (B2C) eða fyrirtæki (B2B) eða á auglýsingamarkaði. Gunnar er einn af stofnendum Endor og starfaði um skeið sem framkvæmdastjóri upplýsingatæknisviðs Sýnar. Gunnar hefur viðamikla reynslu í upplýsingatækni, rekstri og þjónustu. Hann var forstjóri Opinna Kerfa frá árinu 2008 til ársins 2015 og þar áður starfaði hann í mismunandi stjórnunarstörfum innan þess félags frá árinu 2000. Gunnar er rekstrarhagfræðingur að mennt með meistaragráðu frá Strathclyde University í Skotlandi.

Guðmundur stýrir nýju sviði Upplifunar viðskiptavina sem ætlað er að auka ánægju og tryggja jákvæða upplifun viðskiptavina í öllum þáttum starfseminnar. Undir sviðið heyra markaðs- og samskiptamál, vörustýring og verðlagning. Guðmundur er með víðtæka reynslu úr atvinnulífinu og hefur m.a. leitt teymi í markaðssamskiptum, vöru- og verðstýringu sem og viðskiptaþróun. Guðmundur hefur starfað hjá þjónustufyrirtækjum á borð við Símann, 365 og VÍS. Síðastliðin ár hefur Guðmundur starfað sem framkvæmdastjóri Heilsu, dótturfyrirtækis Lyfju. Þar á undan starfaði hann sem framkvæmdastjóri stafrænna umbreytinga og markaðsmála hjá Lyfju. Guðmundur er með B.Sc. í alþjóðamarkaðsfræði frá Tækniháskóla Íslands.

Páll Ásgrímsson er aðallögfræðingur félagsins en undir hann heyra einnig gæða- og öryggismál, samskiptamál, aðfangastýring og verkefnastýring. Páll kom til starfa hjá félaginu 2014 en áður var hann einn af eigendum lögfræðistofunnar Juris. Hann er reynslumikill lögmaður á sviði félagaréttar, auk þess að hafa sérhæft sig á sviði fjarskipta-, upplýsingatækni- og samkeppnisréttar. Um árabil starfaði Páll sem forstöðumaður og síðar framkvæmdastjóri lögfræðisviðs Símans (síðar Skipta) auk þess að búa að reynslu frá EFTA og ESA í Brussel og Samkeppnisstofnun. Páll hefur auk þess setið í stjórnum ýmissa fyrirtækja innan fjarskiptageirans, t.d. Símans hf., Mílu ehf., FARICE hf. og Skjásins ehf.

Sig­ur­björn Ei­ríks­son er framkvæmdastjóri innviða hjá Sýn. Hann hef­ur starfað hjá fé­lag­inu í hátt í tutt­ugu ár, nú síðast sem for­stöðumaður innviða Sýn­ar. Hann býr yfir djúpri þekk­ingu á fé­lag­inu, rekstri fjar­skipta­kerfa og hef­ur verið lyk­ilmaður í þeim umbreyt­ing­um sem hafa átt sér stað á fjar­skipta­hlið fé­lags­ins síðustu ár. Má þar meðal ann­ars nefna sölu á stofnn­eti Sýn­ar til Ljós­leiðarans og sölu á far­netsinnviðum.