Aðalfundur Sýnar
Aðalfundur Sýnar hf. verður haldinn föstudaginn 14. mars 2025 kl. 15:00. Hér á síðunni er finna gögn fundarins, sem og fundargögn frá fyrri árum.
Áhugasömum er bent á að hafa samband við formann tilnefningarnefndar, Þröst Olaf Sigurjónsson á netfangið throstur.olaf@islandia.is óski þeir eftir að nefndin leggi mat á möguleg framboð. Slíkar óskir þurfa að berast eigi síðar en 14. febrúar 2025.
Aðalfundur Sýnar hf. 2025
Aðalfundur Sýnar hf. 2024
Aðalfundur Sýnar hf. 2023
Aðalfundur Sýnar hf. 2022
Aðalfundur Sýnar hf. 2021
Eldri fundargögn
Tilnefningarnefnd
Sýn hf. varð fyrst skráðra félaga á hlutabréfamarkaði á Íslandi til að koma á fót svokallaðri tilnefningarnefnd og starfsreglum fyrir hana haustið 2014. Skipan nefndarinnar er í samræmi við leiðbeiningar Viðskiptaráðs Íslands, Nasdaq OMX Iceland hf. og Samtaka atvinnulífsins, um stjórnarhætti fyrirtækja, frá árinu 2015 og leiðbeiningar OECD frá árinu 1999.
Í tilnefningarnefnd Sýnar hf. sitja þrír nefndarmenn og eru tveir þeirra kosnir á hluthafafundi félagsins og einn tilnefndur af stjórn félagsins. Hlutverk nefndarinnar er að tilnefna frambjóðendur til stjórnarsetu í félaginu fyrir aðalfund þess og við þá vinnu taka mið af heildarhagsmunum hluthafa. Markmiðið er að stuðla að aukinni fagmennsku, gagnsæi og skilvirkni við myndun stjórnar Sýnar hf. hverju sinni.
Tilnefningarnefnd Sýnar hf. skipa sem stendur:
- Þröstur Olaf Sigurjónsson, formaður nefndarinnar
- Guðríður Sigurðardóttir
- Rannveig Eir Einarsdóttir
Þröstur og Guðríður eru óháðir stjórnarmenn, en Rannveig fer með 20.650.000 hluti í Sýn hf. gegnum Fasta ehf.