Sýn er þjónustufyrirtæki og við leggjum okkur fram við að veita góða og skjóta þjónustu. Við erum jákvæð, jafnt inn á við sem út á við, við tökum verkefnin hátíðlega en ekki okkur sjálf.

Starfsfólk er ráðið á faglegum forsendum og ráðningar grundvallaðar á vel skilgreindum hæfniskröfum. Við tökum vel á móti nýliðum og leggjum áherslu á að þeir upplifi sig strax sem hluta af sterkri liðsheild.

Sýn sinnir hlutverki sínu sem fjarskipta- og fjölmiðlafyrirtæki af fagmennsku og ábyrgð og sýnir þannig samfélagsábyrgð í verki. Við leggjum okkar af mörkum við uppbyggingu og framþróun samfélagsins með því að veita mikilvæga þjónustu og stuðla að virkri samkeppni á markaðnum.

Samfélagsábyrgð félagsins skiptist í þrjú áherslusvið; sameiginlegt virði, sjálfbærni og hlítni.