Við notum vefkökur til að bæta upplifun þína á síðunni. Með því að halda áfram að vafra um síðuna samþykkir þú skilmála okkar um notkun á vefkökum, að öðrum kosti getur þú kynnt þér hvernig má stýra notkun þeirra.

Guðfinnur Sigurvinsson

Samskiptastjóri

15. maí 2019

Atvinnuleitin hefst hjá Vísi og Alfreð

Helgi Pjetur, framkvæmdastjóri Alfreðs, og Svanur Valgeirsson, auglýsingastjóri Sýnar.

Vísir, einn fjölmiðla í eigu Sýnar hf., og Alfreð, stærsti atvinnuleitarmiðill landsins hafa gert með sér formlegt samstarf um opnun nýs atvinnuvefs á Vísi. Allir sem eru í atvinnuleit geta farið inn á vefinn og fundið þar ríkulegt úrval atvinnuauglýsinga sem hafa verið flokkaðar eftir starfsgreinum til að auðvelda fólki leitina.

Vísir er einn stærsti fréttamiðill Íslands með yfir tvær milljónir heimsókna í hverri viku og hefur um árabil verið öflugur vettvangur fyrir atvinnuauglýsingar. Alfreð var hleypt af stokkunum sem atvinnuleitarvef í febrúar 2013 og síðar var Alfreðs appið kynnt til leiks. Bæði stjórnendur Sýnar hf. og Alfreðs binda vonir við að samstarfið auki skilvirkni og verði gjöfult fyrir alla, ekki síst atvinnuleitendur og atvinnuveitendur sem geta nú valið enn kröftugri auglýsingamiðil til að ná til besta starfsfólksins.