Sýn hf.: Breyttar afkomuhorfur

Uppfærðar horfur fyrir árið 2019 gefa til kynna að EBITDA framlegð ársins verði um 6% undir þeirri spá sem áður hafði verið gefin út, sem var EBITDA á milli 6,0-6,5 ma. á árinu, en er nú um 5,6 ma.

Eftir breytingar á framkvæmdastjórn sem áttu sér stað á fyrri helmingi ársins, er búið að vinna að nýju spáferli.  Niðurstaða þeirrar vinnu er að fyrri horfur hafi verið of bjartsýnar.  Tekjur í fjölmiðlum og í fjarskiptum voru ofáætlaðar um tæpar 400 milljónir og kostnaður við útsendingar miðla vanáætlaður um 160 milljónir.  Fyrri áætlun um frjálst sjóðsflæði er óbreytt en ljóst að félagið er að enda í neðri enda þess bils, 1,6-2,0 ma.

Framkvæmdastjórn er búin að breyta uppgjörum deilda og skerpa á innri ferlum sem mun skila sér í áreiðanlegri spám héðan í frá.  Sömuleiðis hafa aðgerðir sem gripið var til í rekstrinum í sumar lækkað kostnaðarstig fyrirtækisins umtalsvert til framtíðar.

Sýn hf. mun birta uppgjör fyrri hluta ársins 28. ágúst og kynning á uppgjöri fer fram í höfuðstöðvum félagsins klukkan 8.30 þann 29. ágúst.  Framkvæmdastjórn getur ekki tjáð sig frekar fyrr en eftir birtingu uppgjörs.